سيف عيسى بطل التايكوندو : اشكر جميع الرعاة وكل من دعمني في الخسارة قبل الفوز

عبر سيف عيسى لاعب منتخب مصر للتايكوندو عن شكره لكل من سانده خلال الفترة الأخيرة بعد هزيمته من الدور الأول بأولمبياد باريس والتي أقيمت خلال الفترة ما بين 26 يوليو وحتى 11 أغسطس.

وكان قد خسر سيف عيسى من منافسات الدور الأول لوزن 80 كجم بالأولمبياد عقب خسارته من بطل الدنمارك في المباراة الأولى بنتيجة 2-0.

وكتب سيف عبر حسابه الرسمي على موقع التواصل الإجتماعي “فيسبوك” :”مش حابب اتكلم عن نفسي ولا عن اسباب بس حابب اشكر كل الناس اللي وقفت في ضهري ومقصروش معايا في حاجه علشان مظلمهومش معايا زي ما اتظلمت “.

وواصل:”بشكر والدي ووالدتي اللي كانوا معايا دايما في الحلوه و المره واخويا رامي سندي ورفيقي في التمرين وزوجتي اللي صبرت واستحملت وقدرت المسؤليه اللي شايلها علي عاتقي. بشكركم جدا وحاسس بمقدار الضيق والوجع والضغط اللي اتعرضتوله من النقد اللي اتوجهلي، معالي وزير الشباب و الرياضة دكتور أشرف صبحي،رئيس اتحاد التايكوندو المستشار محمد مصطفي، عضو مجلس إدارة الاتحاد و المسؤل عن المنتخب الأول والأخ الغالي اللي دعمني وتعب معايا المهندس محمد عجيزة، مدربي و المدير الفني كابتن بيجان، مدرب الاحمال دكتور خاجاڤي”.

وأكمل :”وكل الشركات الراعية، البنك الاهلي المصري، شركة الشبه المصريه ا محمد عادل حسني، اورا، اليانز، كوسكواد، روابط الرياضية، محلل الاداء ك. چونجا ودكتور التغذية د. هاني وهبه ودكتور المينتل دكتور مدحت محمود و صديقي ومدربي محمد السرجاني وإداري المنتخب أستاذ سعيد محفوظ”.

وتابع:”دي الناس الي تعبت معايا بجد و دي الناس اللي كان نفسي اكسب عشان افرحهم، وشكرا لكل حد قالي كلمه تشجعني و بردو شكرا لكل حد أساء لي وظلمني بس بعذركم لأنكم أكيد متعرفوش أنا قد ايه تعبت علي مدار سنوات طويلة بدون توقف وعلي حساب اعتبارات كتير اولها أسرتي وكان هدفي إني افرحكم وافرح كل مصري زي ما فرحت مصر بمدليتين اولمبيتين في ٢٠١٤ و ٢٠٢١ …. ومازلت عندي امل ان جمهوري يفضل في ظهري ويساندن”.

وأختتم :”الحمدلله في السراء و الضراء القادم بإذن الله اقوي و أفضل”.